1995 Met de tiëd mei

In ‘t bedriëwf ‘Iëwig zinge de bosse’ waas d’r in dees revue aandach veur netuur en miljeu. Veur de komische noeët zorgde de hypnose-show van Rasta Rostelli en waas de Ruiver getuuëge van de v’rhoëzing van inkele zösters vanoët ‘t kloeëster nao de Karel Doormanlaan. St. Lucia keek wie pesjtoër zich de borrel nao de hoësinzaegening good leed sjmake. De Sjlotscène waas ein boërebroëlof mit op ‘t einde zelfs de gebaorte van ein meugelik nieje revue-generasie. Zoe-as de veurgaonde edisies óntbroke ‘t ballet en de nuuëdige sjoëne liedjes neet. ‘t Zól veurluipg de lètste revue zien, en 11 jaor duure veurdet ‘de draod’ weer zól waere opgepak.